GXSSD

Haqqımızda

“Gözəlliyə Xidmət Sahəsində Sahibkarlara Dəstək” İctimai Birliyi 04 aprel 2022-ci ildə baş tutan təsis yığıncağının qərarına əsasən yaradılması qərara alınmış və 29 dekabr 2022-ci ildə Azərbaycan Respublikasının Ədliyyə Nazirliyi tərəfindən rəsmi qeydiyyata alınmış qurumdur. Birliyin əsas məqsədi gözəllik salonları müəssisələrinin inkişafına yardım etmək və onları vahid təşkilatda birləşdirməklə onların hüquq və azadlıqlarını qorumaqdır.

Ictimai birlik salon sahiblərinə bizneslərini uğurla idarə etmək üçün müasir idarəetmə metodları və təlimləri təqdim edir. Biznesinizin hər sahəsində inkişafı dəstəkləyərək, strateji qərarlar qəbul etməkdə sizə yardımçı oluruq. Məqsədimiz salonları rəqabətli bazarda möhkəmləndirməkdir.

Assosiasiyamız yerli və beynəlxalq tədbirlərdə iştirak imkanı yaradır, bu isə biznes sahiblərinə yeni əməkdaşlıqlar və işgüzar əlaqələr qurmaqda kömək edir. Sektorda təcrübə mübadiləsi ilə inkişafınıza dəstək veririk.

Salon sahibləri üçün hüquqi və maliyyə məsələlərində professional məsləhətlər və dəstək xidmətləri təklif edirik. Beləliklə, öz işinizə fokuslanaraq, işinizin hüquqi və maliyyə aspektlərini peşəkarlara həvalə edə bilərsiniz.

Bizim məqsədimiz, sahibkarları müstəqil və strateji düşünən liderlərə çevirməkdir. Müxtəlif təlim və seminarlar vasitəsilə salon rəhbərləri peşəkar biliklərini artıraraq, bizneslərini daha da gücləndirə bilirlər.

Tanıtım Videosu

Bu videoda GXSSD İctimayi Birliyin yaxşı nəticələrə necə nail olduqları haqqında danışılır. Bu təqdimata baxmaq üçün aşağıdakı düyməni klikləyin.

İctimai Birliyin üzvləri

GXSSD assosiasiyasının üzvləri gözəllik sənayesinin bütün seqmentlərini təmsil edir — böyük şəbəkələrdən və müəssisələrdən tutmuş kiçik studiyalara və fərdi ustalara qədər. Assosiasiyaya əhaliyə xidmət göstərən iri, orta və kiçik müəssisələr, gözəllik sahəsində fəaliyyət göstərən fərdi sahibkarlar, keyfiyyətli xidmətlər təklif edən özünüməşğul ustalar, eləcə də gözəllik salonlarında və ixtisaslaşmış studiyalarda çalışan muzdlu mütəxəssislər daxildir. Bizim məqsədimiz hər bir üzvümüzün işini dəstəkləmək və inkişaf etdirmək, gözəllik sənayesində böyümə, peşəkar təlim və əməkdaşlıq üçün geniş imkanlar yaratmaqdır.